صباح الخير ع عيونك ياست الكل
صباح الورد بيفتح صباح الفل
ياحضن امان ياقُلة ميه للعطشان
يانسمة هوا حلوه ياحتة ضل
يا بلدنا ياحلوه يامحروسه
تستاهلى والله مية بوسه
ياامان وسلام وعد المولى
الكل هواكى دا يتمنى
مصر يااحلى الحروف
يالى زوارك ألوف
ادخلوها بسلام وأمان
مرحبا اهل وضيوف
ياأرض ربنا اتجلى
ياأرض تشبه الجنه
مين ع البعد يستنى
يدارى عن حبيبه هواه
مصر بناسها الطيبه
يحميها ربى من العدا
بركة مقام سيدنا الحسين
بركة مقام السيده
كلمات / محمد خليل